ಅರೆಯೂರು ಶ್ರೀ ವೈದ್ಯನಾಥೇಶ್ವರ ಸ್ವಾಮಿಯ ದರ್ಶನಕ್ಕೆ ಬರುವ ಭಕ್ತರ ಅನುಕೂಲಕ್ಕಾಗಿ ಶ್ರೀ ಕ್ಷೇತ್ರ ಸಿದ್ಧಗಂಗಾ ಮಠಾಧ್ಯಕ್ಷರಾದ ಅನುಗ್ರಹ ಪೂಜ್ಯ ಡಾ|| ಶ್ರೀ ಶ್ರೀ ಶ್ರೀ ಶಿವಕುಮಾರ ಸ್ವಾಮಿಜಿಯವರ ಕೃಪಾಶಿರ್ವಾದದೊಂದಿಗೆ ಅನ್ನ ದಾಸೋಹ ಚಾಲನೆಗೊಂಡಿದ್ದು ಶ್ರೀ ವೈದ್ಯನಾಥೇಶ್ವರ ಸ್ವಾಮಿ ಸೇವಾ ಸಮಿತಿಯವರು ಇಲ್ಲಿಗೆ ಬರುವ ಭಕ್ತರಿಗೆ ಪ್ರತಿ ದಿನ ಉಚಿತವಾಗಿ ಅನ್ನದಾಸೋಹ (ಊಟದ ವ್ಯವಸ್ಥೆ) ನಡೆಸುತ್ತಿರುತ್ತಾರೆ. ದಾನಿಗಳು ಕೊಡುವ ಧನ ಸಹಾಯ ಮತ್ತು ದಾನವಾಗಿ ಕೊಡುವ ಅಕ್ಕಿ, ಬೇಳೆ, ಮುಂತಾದವುಗಳನ್ನು ಪಡೆದು ಊಟದ ವ್ಯವಸ್ಥೆ ಮಾಡಲಾಗುತ್ತಿದೆ.

ದೇವಾಲಯದ ಪರಿಸರದಲ್ಲಿ ಭಕ್ತರಿಗಾಗಿ ವಸತಿ ವ್ಯವಸ್ಥೆಯೂ ಸುಸಜ್ಜಿತವಾಗಿದೆ. ಶ್ರೀ ಸ್ವಾಮಿಯ ದರ್ಶನಕ್ಕೆ ಬರುವ ಭಕ್ತರು ಶಾಂತ, ಸ್ವಚ್ಛ ಮತ್ತು ಆರಾಮದಾಯಕ ವಾಸ್ತವ್ಯ ಅನುಭವಿಸಬಹುದು. ಭಕ್ತರ ನೆರವಿನಿಂದ ಈ ವ್ಯವಸ್ಥೆಗಳನ್ನು ನಿರಂತರವಾಗಿ ಅಭಿವೃದ್ಧಿಪಡಿಸಲಾಗುತ್ತಿದೆ.