ಪೂರ್ವಕಾಲದಲ್ಲಿ ಈ ಪ್ರದೇಶವು ಅರಣ್ಯವಿದ್ದಾಗ, ದೇವಾಲಯದ ಸ್ಥಳದಲ್ಲಿ ಒಂದು ಹುತ್ತವಿತ್ತು. ಹತ್ತಿರದ ಮಲ್ಲಪ್ಪನಹಳ್ಳಿಯ ರೈತರ ದನಗಳು ಅರಣ್ಯಕ್ಕೆ ಮೇಯಲು ಹೋಗುತ್ತಿದ್ದರು. ಈ ದನಗಳ ಪೈಕಿ ಹಸುವೊಂದು ಪ್ರತಿದಿನವೂ ಈ ಹುತ್ತದ ಮೇಲೆ ನಿಂತು, ತನ್ನ ಕೆಚ್ಚಲಿನಿಂದ ಹಾಲನ್ನು ಧಾರಾಕಾರವಾಗಿ ಸುರಿಸುತ್ತಿತ್ತಂತೆ. ಈ ಅಸಾಮಾನ್ಯ ದೃಶ್ಯವನ್ನು ನೋಡಿ ಕುತೂಹಲಗೊಂಡ ಜನರು ಹುತ್ತವನ್ನು ಅಗೆದರು. ಅಲ್ಲಿ ಒಂದು ಸಣ್ಣದಾದ ೫-೬ ಅಂಗುಲ ಎತ್ತರದ ಲಿಂಗು ಗೋಚರಿಸಿತು. ಇದನ್ನು ಪವಿತ್ರ ಸ್ಥಳವೆಂದು ಮನಗಂಡ ಜನರು, ಅಲ್ಲಿ ಒಂದು ಚಿಕ್ಕದಾದ ಗುಡಿಯನ್ನು ನಿರ್ಮಿಸಿ ಪೂಜಿಸಲು ಪ್ರಾರಂಭಿಸಿದರು.